24469号馆文选__我心飞翔

二零零三年四月一日傍晚七點零六分，哥哥張國榮離開了我們。 　　 　　二零零一年八月十九日下午三時許四時，哥哥擔任港九狗會第五十八及五十九屆全犬種冠軍展的嘉賓。在大哥鄧光榮先生的幫忙下，本刊成為全場唯一可與哥哥做獨家訪問的傳媒。訪問中，哥哥不僅大談了他的養狗之道，更從語言間處處流露他是一位切切實實的愛狗人。而以下則是當日訪問中哥哥的真心話節錄。 　　 　　『我在加拿大居住時，養了一隻長毛牧羊狗，那裡天氣較凍，牠會比較舒服一點，而後來我回港，亦想將牠帶回來，但考慮過香港天氣太熱，要剃毛好陰公，所以就將佢送給朋友。』 　　 　　『大約在四年前開始我養了一隻狼狗，牠叫Bingo。選擇狼狗是因為我喜歡這種狗忠心的性格，好保護主人。』 　　『我在加拿大生活時，曾學過train狗，我鍾意自己一手一腳去教，Bingo晤會識做很複雜的動作，但當我發施號令時，牠會識聽。』 　　 　　『我唔想訓練到隻狗好馴，因為狗始終有自己的性格，佢會develop自己的character，我覺得最緊要俾佢感覺到你的愛心。我唔想聽到話個trainer訓練得隻狗好好，因為背後隻狗會好辛苦，打佢我會唔捨得。』 　　 　　『我地要用一些好好的方法去教，我睇書話，狗其實係驚聲多過驚痛，所以當佢曳時，可以用Magazine去拍打傢俬，牠便會害怕，反而如果將隻狗打得好痛，佢就會嬲你。』 　　 　　『我唔會覺得養狗煩。每日早上工人放狗，而晚上我就自己放。』 　　 　　『狗係好聰明的動物，係Man Best Friend，即係人類最佳伴侶，其實最重要係俾佢感覺你嘅愛心，佢會知架！錫佢同打佢、鬧佢，佢會分辨得好清楚，佢亦會知道自己做錯野，那時你鬧佢佢會知點解，所以千祈唔好無厘頭咁鬧佢，佢會唔明。』 　　 　　 　　网友 fish 引自 www.lesliecheung.cc

浏览：1245

设置 修改 撤销 录入时间：2003/6/19 21:24:44