如花、自已 　　 　　『你覺得如花是個怎樣的女人?』 　　 　　她說:她是個痴情而略為自私的人.『以前的女人係甘慘,想唔通就大家攬住死. 　　 　　現代人唔會架,好似萬子與朱寶意果對,有乜野就開心見誠講麻! 　　 　　你認為自已是個怎樣的人? 　　 　　『我個人好自我咯!自細包拗頸,阿媽叫我坐,我就企,如果拿條籐叫我食飯, 　　 　　我偏偏唔食,你惡死對我,我就搗亂. 　　 　　不過,這些都是很久以前的事.她最近看透了許多,由其是自已, 　　 　　知道自已的不足,也不像從前野心勃勃,要打入日本市場,耍打入世界, 　　 　　她說不相信會有人唱到識飛,事實自已就飛唔起. 　　 　　『我以前脾氣很大,放左收唔番好容易得罪人,寧願第日同人道歉至算. 　　 　　悄緒被動又大,一個鍾頭喜、怒、哀、樂 可以做齊. 　　 　　初出道果陣唔識人,唔敢出聲,人地話我扮COOL,焦積.而家怕人話 　　 　　,總之一坐低『辟哩巴啦!』亂講一通,點知仲弊,有時唔出聲, 　　 　　人地又話我唔開心.成日講,個口都會累啦!要休息架! 　　 　　 　　 　　想做一個魔女 　　 　　『你比較喜歡舞台?』 　　 　　我鍾意唱歌,又鍾意電影,因為我以唱歌入呢個圈, 　　 　　我當然關心唱歌多的. 其實每次唱歌,我都加很多戲劇性入去, 　　 　　每首歌都像演繹一個故事. 我喜歡舞台,它可以讓我盡情表演 　　 　　發揮. 以前唱夜總會,我隻隻歌都度過點唱,係台上面飛來飛去, 　　 　　人地以為我『痴 』左甘落力.『但係不是隻隻歌你都鍾意?』 　　 　　『一隻碟都有兩三隻既!又唔好甘悲觀,就算人地台下點自已唔鍾意 　　 　　唱既歌,我都要盡力做到好,既然企得出來, 　　 　　就唔想苦口苦臉做得唔開心.』 　　 　　最近你隻碟既形象無刻意求變,唔似你追求百變既風格? 　　 　　『我今次諗左個形像,仲犀利過妖女,叫做 "魔" 　　 　　我想講一個女人,但係魔,係一種捉摸不定既野! 　　 　　講魔由心生,人內心,有天使和魔鬼,一時令到你好無晒信心, 　　 　　想自殺,完全係自已既幻像,. 我講俾的填詞人聽, 　　 　　點知個個填返來的都係講我,!乜野『百變』『妄想』全部講我的野! 　　 　　我話唔係講我, 我係講人地,點知聽唔明,無辨法啦!』 　　 　　『你不如自已試下填詞?』 　　 　　『我識講,唔識做,填詞好難架!終於隻碟變左個淑女形像忝.』 　　 　　阿梅時刻都想改變形象,因為怕悶,她自已想塑造的, 　　 　　人家辨不到,別人叫她演的,她又不想. 她不明白為什麼要她 　　 　　做一個慘的角色!我不像麻!事有湊巧,梅艷芳憑在『緣份』 　　 　　中奪得香港電影金像獎最佳新人獎,第一次拍電視劇『香江花月夜』 　　 　　亦是慘慘戚戚的,到如今又想演活『胭脂扣』 　　 　　如幽如怨的如花問鼎金馬獎. 　　 　　她自問『我個樣係唔係甘慘?』 　　 　　一九八一年梅艷芳第一次上台領獎,一身錯金縷體的風風光光, 　　 　　但早熟和太濃郁的桑子令她洗不脫了天涯歌女的形象, 　　 　　直至『似水流年』,大家都認為她比同齡的人走遠很多的路, 　　 　　因此可以滄桑得恰到好處. 如今她樂觀自特,懷抱不拘, 　　 　　又已順利越過了滄桑到另一光景吧!

浏览：726

设置 修改 撤销 录入时间：2013/9/15 21:48:38